سینیٹر مشاہد اللہ کی طبیعت خراب۔۔۔ فواد چوہدری کا اس موقع پر بھی پیغام جاری

وفاقی وزیر سائنس اینڈٹیکنالوجی فواد چوہدری نے کہا ہے کہ مسلم لیگ نواز کے سینیٹر مشاہد اللہ کی جلد صحت یابی کیلئے دعا گو ہیں۔

تفصیلات کے مطابق سماجی رابطہ کی ویب سائٹ ٹوئٹر پر اپنے ایک ٹویٹ میں وفاقی وزیر چوہدری فواد حسین نے کہا کہ مجھے بتایا گیا ہے کہ سینیٹر مشاہد اللہ خرابی صحت کی بنا پر ہسپتال داخل ہیں، ان سے اکثر جھگڑا رہتا ہے سخت تلخی بھی ہوتی ہے، ان کی صحت کیلئے دعا گو ہوں اللہ انھیں صحت عطا کرے ،ہم سب ان کیلئے دعاگو ہیں۔

مجھے بتایا گیا ہے کہ سینیٹر مشاہد اللہٰ خرابی صحت کی بناء پر ہسپتال داخل ہیں، ان سے اکثر جھگڑا رہتا ہے سخت تلخی بھی ہوتی ہے، ان کی صحت کیلئے دعا گو ہوں اللہٰ انھیں صحت عطا کرے ہم سب ان کیلئے دعاگو ہیں #Getwellsoon

— Ch Fawad Hussain (@fawadchaudhry) August 8, 2019

واضح رہے کہ پارلیمنٹ کے مشترکہ اجلاس میں سینیٹر مشاہد اللہ خان اور وفاقی وزیر فواد چوہدری کےدرمیان شدید تلخ کلامی ہوئی اوردونوں اطراف سے ایک دوسرے کے خلاف نازیبا جملوں کا کھلا استعمال کیا گیا تھا ،چیئرمین سینیٹ صادق سنجرانی نے اس موقع پر غیر پارلیمانی الفاظ کارروائی سے حذف کرادیےتھے تاہم بعد میں مشاہد اللہ خان نے کہا کہ میری جس بات سے ان کو تکلیف ہوئی وہ واپس لیتا ہوں۔

یادرہے کہ آج مسلم لیگ ن کے سینیٹر مشاہد اللہ خان کو طبیعت کی خرابی کے باعث ہسپتال منتقل کیا گیا تھا جہاں ان کی سرجری کی گئی ہے۔ سینیٹر مشاہد اللہ خان کے صاحبزادے ڈاکٹر افنان اللہ خان نے ٹوئٹر پر اپنے والد کی تصاویر شیئر کرتے ہوئے بتایا کہ جمعرات کی صبح ان کے والد کا ہرنیا کا آپریشن کیا گیا ہے، جو اللہ کی مہربانی سے کامیاب رہا ہے۔ ڈاکٹر افنان اللہ نے بتایا کہ ان کے والد تیزی سے روبصحت ہیں۔ انہوں نے اپنے والد کی صحتیابی کی دعاؤں کی درخواست بھی کی۔ 

I today had an operation for hurnea in my stomach. This was a complication arising from my cancer surgery back in 2010

By the grace of Allah the operation was a success

Please make special prayers for my quick recovery @MaryamNSharif @betterpakistan @afnanullahkh pic.twitter.com/tKsiunMosl

— Mushahid Ullah Khan (@Mushahidullahkh) August 8, 2019

from سچ ٹی وی اردو - تازہ ترین خبریں https://ift.tt/2M8Cph1