نیوزی لینڈ کے خلاف ون ڈے سیریز کے لئے قومی ٹیم کا اعلان کردیا گیا۔
پاکستان اور نیوزی لینڈ کے درمیان متحدہ عرب امارات میں ٹی ٹوئنٹی سیریز جاری ہے جس کے بعد دونوں ٹیموں کے درمیان ایک روزہ میچوں کی سیریز بھی کھیلی جائے گی جس کے لیے سلیکٹرز نے قومی ٹیم کے اسکواڈ کا اعلان کردیا۔
فٹس بحال ہونے پر اوپنر امام الحق کو دوبارہ ٹیم میں شامل کرلیا گیا اور محمد حفیظ کی بھی اسکواڈ میں واپسی ہوئی ہے جب کہ آسٹریلیا کے خلاف ٹی ٹوئنٹی میں شاندار کارکردگی کا مظاہرہ کرنے پر عماد وسیم بھی لمبے عرصے بعد ٹیم کا حصہ بن گئے ہیں۔ اسکواڈ میں فخرزمان، محمد حفیظ، امام الحق، بابراعظم، آصف علی، حارث سہیل، کپتان سرفراز احمد، شاداب خان، عماد وسیم، فہیم اشرف، حسن علی، جنید خان، شاہین آفریدی اور عثمان شنواری شامل ہیں۔
from سچ ٹی وی اردو - تازہ ترین خبریں https://ift.tt/2yOz9PM
No comments:
Post a Comment