بین الاقوامی خبر رساں ادارے کے مطابق پانچوں لڑکیاں سالگرہ کی تقریب میں شرکت کے لیے پولینڈ کے شہر کوسزالن میں واقع پزلز گیمز کے مرکز اسکیپ روم گئیں جہاں آتشزدگی میں پانچوں لڑکیاں ہلاک ہوگئیں۔
ریسکیو ٹیم نے امدادی کاموں کا آغاز کرتے ہوئے 25 سالہ نوجوان کو زخمی حالت میں کمرے سے نکال کر اسپتال منتقل کردیا جب کہ بچیوں کی لاشوں کو لواحقین کے حوالے کردیا گیا۔ تمام بچیوں کی عمر 15 سال سے کم ہے۔
’اسکیپ روم‘ ایک ایسا کمرہ ہوتا ہے جس میں پزلز میں حصہ لینے والوں کو بند کردیا جاتا ہے اور انہیں پزلز حل کرنے کے بعد ہی کمرے سے باہر نکالا جاتا ہے۔ یہ کھیل دنیا بھر میں بہت مقبول ہے اور تیزی سے نوجوانوں کو اپنی گرفت میں لے رہا ہے۔
پولیس کا کہنا ہے کہ اسکیپ روم میں لگنے والی آگ کی وجہ کا تاحال تعین نہیں کیا جاسکا، تحقیقات ابھی ابتدائی مرحلے میں ہے،غفلت اور لاپروائی برتنے والوں کو منطقی انجام تک پہنچایا جائے گا۔
from سچ ٹی وی اردو - تازہ ترین خبریں http://bit.ly/2TBSFHl
No comments:
Post a Comment