وزیراطلاعات فواد چوہدری نے کہا ہے کہ پاکستان اور چین کے درمیان اطلاعات کے تبادلے اور مشترکہ فیچر فلموں کی تیاری کے شعبوں میں تعاون کو وسعت دینے کے بہترین مواقع موجود ہیں۔
وہ چین کے سفیر یائو جنگ سے گفتگو کررہے تھے جنہوں نے ان سے اسلام آباد میں ملاقات کی۔ فواد چوہدری نے کہاکہ حکومت چین کے تعاون سے ایک ٹیکنیکل میڈیا انسٹی ٹیوٹ قائم کررہی ہے جو میڈیا یونیورسٹی کاحصہ ہوگی جسے جلد شروع کیاجائے گا۔ چین کے سفیر نے کہا کہ پاکستان کا نیا ویزا نظام ایک پراعتماد اور محفوظ پاکستان کی عکاسی کرتا ہے۔
انہوں نے دونوں ممالک کے درمیان دوطرفہ تعلقات کو مستحکم کرنے کی تحریک انصاف کی حکومت اور وزیر اطلاعات کی پاکستان کے مثبت تشخص کو فروغ دینے کیلئے ان کی ذاتی کوششوں کو سراہا۔
from سچ ٹی وی اردو - تازہ ترین خبریں http://bit.ly/2RZG4Bn
No comments:
Post a Comment